Ikki yildan sal ortiq vaqt ichida M Cosmetic kompaniyasi O‘zbekistonda e’tiborga loyiq darajada rivojlandi. Hozirda drogeri tarmog‘i yuzdan ortiq “uy yaqinidagi” do‘konlarni o‘z ichiga olib, nafaqat go‘zallik, oila va uy uchun vositalarni, balki eng muhimi – yoqimli his-tuyg‘ularni taqdim etmoqda. Chakana sotuvchining norasmiy qoidasiga ko‘ra, xaridorlar do‘kondan xursand holda chiqishlari kerak va buning bajarilishini barcha xodimlar diqqat bilan kuzatib boradilar. M Cosmetic’da ishlashning nozik jihatlari, o‘qitishga bo‘lgan e’tibor va kassaning har ikki tomonidagi ayollar uchun qulay muhit haqida kompaniya vakillari intervyuda so‘zlab berishdi.
Yelena Peresyolkina,
M Cosmetic do‘konlar guruhi direktori
“Men M Cosmetic’da shunchaki ishlamayman. Men bizning eng sodiq xaridoriman”
M Cosmetic kompaniyasida qancha vaqtdan buyon ishlayapsiz?
Toshkentga kelganimga bir yildan oshdi. Bu quyoshli shaharga men Sankt-Peterburgdan maxsus M Cosmetic tarmog‘ini rivojlantirishda ishtirok etish uchun kelganman. Rossiyada chakana savdoda ishlaganman, u yerda ham professional, ham shaxs sifatida o‘sganman.
Toshkentga ko‘chib kelishga qanday qaror qildingiz?
Suhbat paytida menga O‘zbekistonda chakana savdo tez rivojlanayotgani va respublikada an’anaviy tarzda ommalashgan bozorlar bilan raqobatlashishga to‘g‘ri kelishi haqida aytishdi. Bu men uchun haqiqiy sinov edi.
Biz xaridorlarga xarid qilishning yangi sifatini taklif etmoqchimiz. Masalan, do‘konlarimizda o‘rgatayotgan xizmat ko‘rsatish usulimiz.
Kompaniyaning operatsion faoliyati keng qamrovli tushuncha. Ba’zilar hatto bu ishni “cheksizlikni qamrab olish” iborasi bilan ta’riflaydi. Sizning vazifalaringizga nimalar kiradi?
Haqiqatan ham, cheksizlikni qamrab olish. Jamoamiz O‘zbekistondagi do‘konlarni eng keng ma’noda rivojlantirish uchun mas’ul: filiallarni ochish, savdo hajmini oshirish, xodimlarning kasbiy rivojlanishini ta’minlash.
Hozir mamlakatda 115 ta M Cosmetic do‘koni mavjud. Mening vazifam – ularning har birini sevimli do‘konga aylantirish. Shiorimiz bejiz emas: “M Cosmetic – sizning go‘zallik, oila va uy sohasidagi mutaxassisingiz”.
Shuncha yo‘nalishni qamrab olishga qanday ulguryapsiz?
Mening jamoam bor, bir nechta do‘konlarni boshqaradigan nazoratchilarim bor. Vazifalarni to‘g‘ri taqsimlash va “boshqarish” so‘zini to‘g‘ri tushunish – aniq ierarxiyaga ega bo‘lgan tizimda muvaffaqiyatning kalitidir. Har kim o‘z vazifasini bajaradi, shu bilan birga barcha bosqichlarda hamkorlik kuzatiladi.
Siz yana professional murabbiy ham ekansiz. Bu faoliyatingiz haqida batafsil so‘zlab bering.
An’anaviy tushunchada kouching – bu o‘qitish, qo‘llab-quvvatlash va o‘z shogirdlariga ishonishdir. Bu sportdagi murabbiylikka juda o‘xshash yondashuv.
Men birinchi marta ishxonamda kouchingga duch keldim. O‘qishni tugatib, ish sohasiga kouching tamoyillarini joriy qila boshladim, natijani ko‘rdim va bu yo‘nalishda rivojlanishni xohlayotganimni angladim.
Men uchun kouching – sehrli doriga o‘xshaydi. Agar uni to‘g‘ri qo‘llasak, u albatta samara beradi.
“Men uchun kouching – sehrli doriga o‘xshaydi”
Siz ishingizda kouching usullaridan foydalanasizmi?
Kouching – bu, avvalo, hamkorlik, rivojlanish va insonga fikrlash tarzini o‘zgartirishga yordam berish usullaridir.
Men hech qachon xodimlarga “hozir sizlarni kouching qilaman” demayman. Biz birgalikda mavjud algoritmlar asosida aniq vaziyatlarni tahlil qilamiz. Egallangan ko‘nikmalar xodimlarga nafaqat hamkasblari, balki oila a’zolari, farzandlari va do‘stlari bilan ham samarali muloqot qilish imkonini beradi.
Biznesda qanday tamoyillarga amal qilasiz?
Men uchun oddiy insoniy qadriyatlar juda muhim va jamoam bu qadriyatlarni baham ko‘rayotganidan xursandman. Ular uncha ko‘p emas: halollik, adolat, hamkorlik munosabati, o‘zaro yordam va qo‘llab-quvvatlash. Biz biror narsani bilmaslikdan yoki o‘rganishdan uyalmaymiz.
“Bir kishi hamma uchun va hamma bir kishi uchun — bunday yondashuv xavfsizlik hissini keltirib chiqaradi”
Ayollarning boshqaruv uslubi erkaklarnikidan qanday farq qiladi?
Boshqaruv ayol yoki erkakniki bo‘lishi mumkin emas. Mening tajribam shuni ko‘rsatadiki, erkak yoki ayol nuqtayi nazari emas, balki kasbiy yondashuv muhimroq. Yig‘ilishlar o‘tkazayotganimizda, masalani tushunadigan mutaxassisning fikrini bilish muhim hisoblanadi.
M Cosmetic kompaniyasida ishlashning asosiy afzalligi nimada?
Kelajakka yo‘naltirilgan holda ishlayotganimiz va qayerga borayotganimizni aniq bilishimiz menga yoqadi. Bizda uch yillik va besh yillik rejalarimiz bor.
M Cosmetic – bu professionallar, maqsadga intiluvchan, g‘ayratli odamlar jamoasi. Kompaniya o‘zini namoyon qilish va o‘sish uchun barcha imkoniyatlarni taqdim etadi.
Farzandli ayol muvaffaqiyatli karyera qurishi mumkinmi?
Mening farzandim bor, u ikki yoshga to‘lganida ishga qaytganman. Ish, bola tarbiyasi, oila va katta avlodga g‘amxo‘rlikni birlashtirganman. Men bularning barchasini boshdan kechirganman, shuning uchun oila va biznes juda yaxshi uyg‘unlashadi, deb ishonaman.
Aurika Tajibayeva,
M Cosmetic operatsion o‘qitish rahbari
“Xususiyat+afzallik=xaridor foydasi”
M Cosmetic kompaniyasida qanday vazifani bajarasiz?
Men kompaniyaning asosiy bo‘limi – operatsion departamentda faoliyat yuritaman. Jamoamiz do‘konlar bilan barcha darajalarda, boshqaruvdan tortib o‘qitishgacha, xizmat ko‘rsatish va sotuv ishlarigacha bevosita aloqada bo‘ladi.
Go‘zallik sohasida o‘ziga xos jihatlari bor, mahsulotni muvaffaqiyatli sotish uchun ularni bilish kerak. Biz aynan shu bilimlarni singdiradigan bo‘limmiz.
Bu lavozimga qanday kelib qoldingiz?
Men do‘kondagi barcha lavozimlarda ishlab chiqdim: sotuvchi-maslahatchi, kassir, merchandayzer, menejer, nazoratchi. Go‘zallik sohasiga men moda chakana savdosidan o‘tdim, u yerda ham hashamatli, ham ommabop mahsulotlar bilan ishlaganman.
Dastlabki paytlarda M Cosmetic’da treninglarni yolg‘iz o‘zim o‘tkazardim. Bu 2022-yil edi – boshlanish davri, bor-yo‘g‘i oltita obyekt ochilgan, ammo biz tarmoqimizni porloq kelajak kutayotganini bilardik.
Kompaniyada o‘qitish jarayoni qanday kechadi?
Ustozlik orqali. Biz hamma narsani o‘z namunalarimizda ko‘rsatamiz, chunki aks holda, rolli modellarimiz bo‘lmasa, muvaffaqiyatli sotuvga erisha olmaymiz.
Bizda xodimlar bir-birining o‘rnini bosa oladi: do‘kon direktori, tovarshunos, boshqaruvchi va sotuvchi-maslahatchi. Biz barcha darajadagi mutaxassislarni o‘qitamiz: axir har bir xodim o‘z tovarini bilishi va xaridor bilan ishlash ko‘nikmasiga ega bo‘lishi zarur.
Byuti-industriya sizni nima bilan o‘ziga jalb etdi?
Men qizman, har bir qiz o‘zini ishonchli va go‘zal his qilishni xohlaydi. Byuti-soha buning uchun barcha vositalarni taqdim etadi.
O‘zingiz kosmetikaga qanday munosabatdasiz? Sizda katta pardoz sumkangiz bormi?
Juda katta! Kayfiyatimga, hissiyotlarimga qarab. Men kosmetikani juda yaxshi ko‘raman, lekin usiz ham yashay olaman. Pardoz san’ati mening dekorativ kosmetika bo‘yicha mashg‘ulotlarimning bir qismi bo‘lib, u orqali o‘zim ilhomlanish va bu ilhomni xodimlarga yetkazish imkoniyati bor.
Maslahatchilarda byuti-mavzuga qiziqishni qanday uyg‘otish mumkin?
Savdo formulasi mavjud: “Xususiyat + afzallik = xaridorning foydasi.” Xususiyat – bu biz nimani taklif qilayotganimizga javob beradigan narsa. Afzallik – tovarning o‘ziga xosligi. Foyda esa inson mahsulotni xarid qilgandan so‘ng oladigan natijadir.
Xuddi shu sxema bo‘yicha mashg‘ulotlar o‘tkazamiz. Avval tarixni so‘zlab beramiz: trend qayerdan kelgan, qanday shakllangan va ayollarga nima beradi. Afzalliklar haqida, keyin esa foyda haqida gaplashamiz. Xodimlar uchun bu mahsulotning o‘zini sinab ko‘rish, bilim va tajribasidan foydalangan holda uni tavsiya qilish va, albatta, savdoni ko‘paytirish deganidir.
“O‘zing yoqtirgan narsani sotish oson, chunki bu haqida ilhom bilan gapirasan”
Ishingizni qanday baholaysiz?
Qayta aloqa – ishning eng muhim jihati. Biz doimo xodimlarimiz va mijozlarimizning kayfiyatini sezib turamiz, to‘g‘ri yo‘nalishda ketayotganimizni tushunish uchun.
Qayta aloqa tashqi – bu xaridorlarning fikrlari, savdo ko‘rsatkichlari va ichki – xodimlardan bo‘lishi mumkin.
M Cosmetic’da ishlash siz uchun qanday ahamiyatga ega?
Men uyda ham ish haqida o‘ylaydigan odamman. Boshim ish bilan band bo‘lgani uchun emas, balki bu haqda o‘ylashni xohlayman, chunki bu men uchun muhim.
“Bizning kompaniyamizdagi eng muhim inson – bu mijozdir”
Yoqimli fikr-mulohazalarni ko‘rganimda, natijani his qilganimda, bo‘limim ayollarning o‘zgarishiga ma’lum hissa qo‘shayotganini o‘zim sezaman. Bu ijobiy hissiyotlarga qo‘shilgan hissa!
Qiziqishlaringiz uchun vaqt topa olasizmi?
Albatta! Go‘zallik sohasini o‘rganishni, blogerlarni kuzatishni yaxshi ko‘raman. “Beauty pleasure” degan tushuncha bor – men pardoz qilishni va yaratilgan qiyofani baholashni yoqtiraman. Hatto hech qayerga bormasam ham, o‘zimga oro berishim mumkin. Shunday qilib, men mahoratimni oshiraman va mahsulotlarni o‘rganaman.
Ishingizda nimani o‘zgartirgan bo‘lardingiz?
Chakana savdo – bu barcha narsa tez o‘zgaradigan dinamik biznes sohasi. Moslashishni bilish, yondashuvni o‘zgartirish va yangi yechimlar topish juda muhim. Bu yumshoq va qattiq ko‘nikmalarni ajoyib tarzda rivojlantiradi.
Men uchun yaxshi ishning asosiy ko‘rsatkichi – yangi xaridorlar, yangi ijobiy fikr-mulohazalar va savdoning o‘sishidir. Xaridor xarid qilgan mahsulotidan hissiyot va foyda oladi, bizning tarmog‘imiz esa o‘sib, barcha istovchilarga shunday imkoniyatni taqdim etish uchun yangi tuman va hududlarga chiqadi. Bunday o‘zaro almashinuv yanada ko‘payishini istaymiz.
Matn: Alyona Kryuchenkova
Foto: Ruslan Mardanov
Vizaj: Мila Mirova
Reklama huquqlari asosida.
